Dagur M rann upp. Formleg völd voru hennar.
Þetta var samt ekki formleg valdataka. Þetta var bara samkomulag meðal hinna fáu fjölskyldna, oft kallaðar "elítan", um að einn meðal þeirra sæi um framkvæmd á því sem þurfti til að varðveita lífsgæði þeirra.
M sá samt ástæðu til að hagræða aðstæðum í ljósi breyttra aðstæðna: Óróleika meðal hins vinnandi almennings vegna mikils magns þræla, og væntanlegra árása sem myndu bara fjölga þrælum eftir að hafa verið sigraðar vegna mikils fjölda sjálfboðaliða í hersveitunum.
Eftir athöfnina gaf M út tilkynningu:
"Vegna aðstæðna tek ég núna að mér öll völd yfir öllum og öllu til að sjá til þess að hlutir þróist á þann veg sem mér þóknast."
Enginn mótmælti þessu, eins og M hafði búist við, og hún setti strax í gang áætlun.
Í fyrsta lagi yrði nú þrælum bætt við hersveitirnar. Þeir færu í fremstu víglínu og yrðu þeir fyrstu til að falla. Þannig yrði betri hermönnum hlíft að hluta.
Í öðru lagi yrði gerð útrás og sótt inn á önnur svæði. 70% allra karlmanna þar yrðu gerðir að þrælum en öðrum leyft að starfa eins og venjulega gegn því að senda megnið af framleiðslu sinnar til elítunnar.
Í þriðja lagi yrði gerð endurskoðun á því hverjir teldust með í elítunni. Þetta væri ekki fæðingarréttur lengur. Það yrðu gerðar kröfur um mannkosti, greind og framlag til M í formi félagsskapar.
M bjóst við einhverjum mótbárum. Hún var hér að svipta hluta elítunnar stöðu sinni og gera að vinnandi almenningi. En til að byrja með gerðist ekkert. M bjóst samt við að það gæti breyst.